Податоци во C++, Декларирање на променливи

Податоци во С++

Величина е карактеристика на даден предмет или појава. Можат да бидат

·                константи

·                променливи

Константи се вредности  за кои се одделува место во работната меморија на компјутерот, имаат сопствено име и вредноста не се менува во процесот на извршување на програмата.

Променливи се вредности  за кои се одделува место во работната меморија на компјутерот, имаат сопствено име и вредноста може да примаат различни вредности во процесот на извршување на програмата.

Вредностите кои ги добиваат величините при извршување на програмата се наречени податоци

Во С++ се обработуваат податоци од различен тип: цели броеви, реални броеви, знаци, текстови итн.

Податоците ги имаат следниве карактеристики: име, тип и вредност.

 

Имиња на податоците

Имињата (идентификаторите) на податоците во С++ се формираат со почитување на следниве правила:

• името започнува со буква или подвлечена црта,

• малите и големите букви се разликуваат,

• името може да содржи цифра,

• името не смее да содржи специјален знак: !, @, #, % итн.

Пример: Правилни имиња се: a, b2, it, i1j2, _radius, R итн.

Пример: Неправилни имиња се: a-b, dolar$, %proc, char. итн. 

Типови податоци 

Основни типови податоци

              целоброен                                int

 реален со обична точност         float

 реален со двојнаточност           double

 знаковен                                   char

 логички                                     bool

 

Податочни типови

Име	Бајти*	Опис
char	1	карактер или цел број долг
short	2	цел број 16 бита долг.
long	4	цел број 32 бита долг.
int	4	Цел број
float	4	броеви со подвижна запирка
double	8	броеви со подвижна запирка со дупла прецизност.
long double	10	long броеви со подвижна запирка со дупла прецизност.
bool	1	Boolean вредности. Може да има една од двете можни вредности: true или false.

* Големината во бајти зависи од системот на кој се компајлира.

Декларирање и иницијализирање на променливи

Искази се основни градбени блокови програмата. Тие се состојат од израз и знакот ; на крајот. Израз може да биде израз за доделување на вредност, инкремент или декремент операција, повик на функција, контролен исказ или декларација на променливи. На пример х=1      е израз
х=1;    е исказ.

За групирање на искази во сложен исказ или блок се користат големи загради { }

Променливи се декларираат со искази од облик:

тип листа_на_променливи;

int i, j, k;

Променливите можат истовремено и да се иницијализираат при декларирање:  
Пример

int i=52;

Пример:

#include

main()

{

short ed_cena, vkupno;    /* Deklaracija na promenlivi */

short parcinja=1000;        /* Deklaracija so inicijalizacija*/

ed_cena=50;                    /* Dodeluvanje */

vkupno = ed_cena * parcinja;

}

Операции со целоброен тип податоци:  int 

собирање                                                                +

одземање или негација                                         -

множење                                                                  *

делење                                                                     /

делење по модул (остаток од делење)             %.

Податоците од целоброен тип поврзани со аритметичките оператори (+, -, *, / и %) дефинираат аритметички изрази чија вредност е целобројна. 

Пр. Одреди го резултатот на следните операции: 
7 / 3 =2 

205 / 20 =10
205 % 20 =5
25 % 3 =1
7.0 / 4 =1.7500

 

Реален тип податоци float, double 

Податоците од овој тип можат да бидат константи или променливи.

Прецизноста на податоците од тип float и double е различна и тоа:

• float податоците зафаќаат 32 бита и имаат 7 значајни цифри.

• double податоците зафаќаат 64 бита и имаат 15 значајни цифри.

Пример:

float x;

const float g=9.81;

double visina;

double iznos=12345.67

Операции со податоци од реален тип:

собирање (+),

одземање или негација (-),

множење (*),

реално делење (/)       (ако барем еден од операндите е реален).

Логички тип податоци bool

Податоците од овој тип имаат една од следниве две вредности: точно (true) или неточно (false).

bool da_ne;

bool odgovor=false;

Логичките податоци поврзани со логичките оператори даваат логички изрази.

Логички оператори се:

&& логичко И (AND); || логичко ИЛИ (OR); ! логичко НЕ (NOT)

Релациони оператори: <      <=     >     >=       = =             !=

Приоритет на операторите:

NOT !

унарен минус -

аритметички + - * / %

релациони < <= > >=

еднаквост = = !=

AND &&

OR || 

Знаковен тип податоци char 

Податоците од овој тип имаат вредност знак или целбројна вредност. Тие можат да бидат константи или променливи и се третираат како било кој податок од целоброен тип: можат да се читаат, да се печатат, да се споредуваат и со нив да се извршуваат аритметички операции.

char

Пример:

char a;

char znak=′+′;

const char dolar=′$′;

char denar=′d′;

char x=120;